Tíðindi
15 vilja verða skúlastjóri við Løgmannabreyt
30.06.2026
Herfyri varð skúlastjórastarvið við Løgmannabreyt endurlýst, tí Undirvísingarstýrið vildi hava fleiri umsóknir. Tá ið avtornaði komu 15 umsóknir inn.
Fríggjadagin í farnu viku var freistin at søkja skúlastjórastarvið við Løgmannabreyt úti. 15 umsóknir komu inn. Í fyrra umsóknarumfarinum komu 9 umsóknir.
Søkt hevur verið eftir dugnaligum skúlastjóra, ið umframt leiðsluevni hevur áhuga í námsfrøðiligari og fakligari menning og hegni at átaka sær leiðsluábyrgdina í Skúlanum við Løgmannabreyt. Skúlastjórin, sum hevur verið síðan skúlin var stovnaður í 2008, hevur sagt seg úr starvi.
Í Skúlanum við Løgmannabreyt, ið er ein tvey sporaður skúli, verða 366 næmingar í 1.-9. flokki skúlaárið 2026/27. Tað eru normerað 33 fulltíðarstørv sum lærarar. Tað eru tvey varaskúlastjórastørv undir skúlastjórans leiðslu.
Starvið verður sett frá 1. septembur 2026.
Onnur tíðindi
-
10.07.2026Alt at siga fyri lesivanarnar, at tað verður lisið fyri børnum
-
07.07.2026Vitlíki setur nýggj krøv til undirvísingina og læraraleiklutin
-
06.07.2026Bókaormarnir hvørva, og eingin leggur í
-
03.07.2026Vit síggja ávirkanina av stórari skíggjanýtslu
-
02.07.2026Siðbundna mentanin í fólkaskúlanum kannast
-
01.07.2026Lógin ásetur, at tað eru lærarar, sum undirvísa