Methøgt tal av lærarum tikið masterskeið

Nýggj masterskeið byrja í jan./feb. 2026, og enn eru tøk pláss á nøkrum skeiðum. Talan er um:

Inkluderandi sernámsfrøði. Samskifti, relatión og trivnaður: Børn í kreppu, sorg og trauma.

Høvuðsritgerð - Diplomútbúgving á bachelorstigi í inkluderandi sernámsfrøði. Frida Poulsen, námslektari, undirvísir á báðum skeiðunum.

Læritøkni og talgildar lærutilgongdir.

Relatiónsførleiki og floksleiðsluførleiki. Hans Harryson, námslektari, undirvísir á báðum skeiðunum.

Útinámsfrøði og útiskúli – útiskúlin sum náttúruvísindaligur læringsdepil. Erla Olsen, námslektari, undirvísir.

Konflikthandfaring í námsfrøðiliga arbeiðnum við børnum og ungum. Annika Anthoniussen, námslektari, undirvísir.

Tað ber til at lesa um ymsu skeiðini her.

Hvørt skeiðið telur 10 ECTS-stig – burtursæð diplomútbúgving á bachelorstigi í inkluderandi sernámsfrøði, sum telur 15 ECTS-stig. Umsóknarfreistin er 12. desember.

Upptøkutreytirnar eru, at umsøkjarar hava bachelorútbúgving í undirvísing og/ella námsfrøði - ella eina sambæriliga útbúgving. Haraftrat skal umsøkjari hava tvey ára viðkomandi starvsroyndir.

Umsøkjarar, sum hava spurningar um skeiðini og ætlaðu masterútbúgvingina, kunnu seta seg í samband við Fridu Poulsen, varadekan á Námsvísindadeildini á 299417, FridaP@setur.fo, ella Hans Harryson, varadekan á Námsvísindadeildini á 299424, HansH@setur.fo.