Lýsingar
28.11.2012 Hvar eru nýútbúnu lærararnir?
Allahalgannadag handaði Hans Harryson Hansen, lærari á Námsvísindadeildini, Fólkaskúlagrunninum spurnablaðakanningina, ið ber heitið “AFTURSVAR
Aftursvar er ein yrkislig mynd av teimum lærarum, ið tóku prógv á Føroya læraraskúla frá 2007 til 2011.
Spurnablaðakanningin, ið er framd á sumri 2012, umfatar 220 spurningar. Kanningin er skipað í 8 sjálvstøðugar og tó samfastar partar.
Partarnir eru:
Bakstøðisupplýsingar
Lestrartíðin á Føroya læraraskúla
Fyrsta árið sum lærari
Hvussu trívist tú sum lærari í dag
Undirvísingarsýni og undirvísingarhættir
Nútíðarnæmingurin
PISA-kanningin og landsroyndin
Eftirútbúgvingartørvur
Hans Hansen, sum hevur gjørt kanningina við stuðli úr Fólkaskúlagrunninum, vildi vita, hvar nýútbúnu lærarar eru í verðini. Hvat teir halda um ta læraraútbúgving, ið teir hava tikið. Hvussu henda útbúgvingin roynist teimum. Hvussu teir skipa sína undirvísing í dag. Hvussu teir síggja og uppfata nútíðarnæmingin. Hvørji linjufak teir høvdu á Føroya læraraskúla, og hvørjum lærugreinum teir undirvístu í skúlaárið 2011/2012. Hvørjar avbjóðingar teir stríðast við dag og dagliga:) Hvønn eftirútbúgvingartørv teir hava:) Osfr.
Úrslitið av spurnablaðakanningini skal fyrst og fremst nýtast sum íblástur, tá ið nýggja læraraútbúgvingin verður stillað, og tá ið eitt dygdargott eftirútbúgvingartilboð skal mennast komandi árini.
