Størv í Skúlanum á Fossánesi skúlaárið 2026/27

• 1 tíðaravmarkað lærarastarv full tíð fyri lærara í farloyvi. 
• 1 tíðaravmarkað lærarastarv uml. 0,7 vegna avlopstímar og niðurskurð. Tímatalið verður endaliga ásett 1. sept 2026.  

Søkt verður eftir lærarum ið m.a. kann undirvísa í hesum lærugreinum í innskúlingini og miðdeild: smíð, ítrótti, svimjing, náttúru og tøkni og KT-førleikar. 
• 1 námsfrøðiligum stuðli skúlaárið 2026/27 við setanarbrotinum 0,50.  

Søkt verður eftir námsfrøðingi, sum undir leiðsluni og í samstarvið við starvsfólkum skúlans, tekur lut í dagliga virksemi skúlans. Starvið fevnir um saman við lærarum at skipa skúladagin hjá næmingum, ið hava avbjóðingar í gerandisdegnum. Viðkomandi má tola, at arbeiðsuppgávurnar vera broyttar og tillagaðar leypandi gjøgnum árið. Tann, ið verður settur skal hava námsfrøðiliga útbúgving ella námsfrøðiligar royndir.

Tey, ið sett verða, skulu  
• Duga at samstarva, vera fyrikomandi og sýna jaligan hugburð mótvegis næmingunum.  
• Vera fús/ur at taka á seg tær uppgávur, sum eru í skúlanum.  
• Hava áræði til at taka ábyrgd  
• Eru stundislig og nærløgd. 

Lønar og setanartreytir 
• Lærara størvini verða lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag. 
• Stuðulsstarvið verður lønt eftir sáttmála millum Føroya Pedagogfelag og Fíggjarmálaráðið í lønarflokkinum 11-22. 

Umsóknir  
Umsóknir við tíðarrensli, avritum av prógvum og møguligum viðmælum skulu verða skúlastjóranum í hendi í seinasta lagi fríggjadagin 12. juni 2026 kl. 12.00. 

Umsóknir kunnu sendast við teldupost til: fos@skulin.fo ella sendast til:  
Skúlin á Fossánesi  
Fossávegur 27 
FO-730 Norðdepil 

Meira fæst at vita um størvini við at seta seg í samband við Veroniku Petersen, skúlastjóra á tlf. 735894 ella á t-post fos@skulin.fo. 

Barnaváttan verður kravd í samband við setanina. 

Komandi skúlaár vera 39 næmingar frá 1.til 7. flokk í Skúlanum á Fossánesi, 5 lærarar og ein námsfrøðingur.