Fimm umsóknir til tvey leiðarastørv

Tríggjar umsóknir eru komnar til tíðaravmarkaða starvið sum skúlastjóri í Skúlanum á Fossánesi og tvær til starvið sum einalærari í Haraldssunds skúla.

23.05.2025

Í gjár var freistin úti at søkja tíðaravmarkaða starvið sum skúlastjóri í Skúlanum á Fossánesi og starvið sum einalærari í Haraldssunds skúla. Ávikavist tríggjar og tvær umsóknir komu.

Tað eru áleið 34 næmingar frá 1.-7. flokk knýttir at Skúlanum á Fosánesi skúlaárið 2025/26. Skúlastjórin er bæði leiðari skúlans og hevur undirvísingartímar.

Tað eru áleið fimm næmingar frá 1.-7. flokk knýttir at Haraldssunds skúla skúlaárið 2025/26. Einalærarin er bæði leiðari og lærari skúlans.

Bæði skúlastjórin og einalærarin skulu vera við í teimum tiltøkum og samstørvum, ið avvarðandi stovnar skipa fyri, so sum Undirvísingarstýrið, Nám og Sernám.

Størvini verða sett frá 1. august 2025.