Farloyvisstarv í serskúlatilboðnum Ljósástova

Okkum tørvar ein lærara í farloyvisstarv til Ljósástovu at byrja 20. oktober 2025. 

Lønarbrotið er 1,0 

Frágreiðing um skúlatilboðið Ljósástovu

Skúlatilboðið hoyrir undir skipanina um serflokk. Tað er eitt samstarv millum Sernám og 
Skúlan á Argjahamri. Skúlatilboðið er eitt undirvísingartilboð, har veitt verður serundirvísing, 
sernámsfrøðilig átøk og sernámsfrøðiligur stuðul. Málbólkurin eru næmingar í 
fólkaskúlanum, sum ikki fáa nøktandi skúlatilboð í vanligu skipanini í fólkaskúlanum. 15 
næmingar ganga í Ljósástovu. 

Stað 
Ljósástova heldur til í niðastu hædd í Skúlanum á Argjahamri.

Førleikakrøv 
Vit hava tørv á einum útbúnum lærara. Harumframt er tað ein fyrimunur, um umsøkjarar 
hava arbeiðsroyndir innan serøkið. 

Okkum tørvar ein lærara sum: 
• er fyrikomandi og jaligur 
• hevur breitt menniskjasýni 
• hevur áræði at taka ábyrgd 
• dugir at samstarva í toymum 
• dámar avbjóðingar og dugir at hugsa kreativt 

Lønar- og setanartreytir 
Setanarøkið er Skúlin á Argjahamri. Starvið verður sett sum sáttmálasett starv, uttan so, at 
tann, sum settur verður, er tænastumannasettur lærari frammanundan. 

Lærarastarvið er lønt sambært avtalu millum Føroya Lærarafelag og Fíggjarmálaráðið í 
lønarflokki 18.1-29.2. 

Umsóknir
Umsóknir við avriti av prógvum, c.v. og møguligum ummælum skulu verða skúlanum í hendi 
í seinasta lagi týsdag 07. oktober 2025

Meira fæst at vita við at seta seg í samband við Marin Sigvaldsdóttir Bláberg, skúlastjóra á 
tlf. 302510 ella 224240, ella á t-post: marin.sigvaldsdottir@skulin.fo

Ljósástova 
Áin og vatnið sunnanfyri Skúlan á Argjahamri eita Ljósá. Staðið verður nógv vitjað av skúlanum.

Navnið 
umboðar ljósið, hesi børnini eru, og tað ljós, ið verður veitt teimum í Ljósástovu.