Amy M. Thomsen skúlastjóri í Sumba

Landsstýrismaðurin í Barna- og útbúgvingarmálaráðnum, Djóni Nolsøe Joensen, hevur sett Amy Martinsdóttir Thomsen í starv sum skúlastjóri í Sumbiar skúla frá 1. oktober 2025 at rokna.

01.09.2025

Amy er 46 ára gomul og býr í Sumba.

Hon tók læraraprógv frá University College Nordjylland (UCN) í Ålborg í 2013. Hon hevur eisini eykaprógv í føroyskum og svimjilæraraprógv frá Føroya Læraraskúla.

Amy hevur royndir sum læraravikarur frá Vágs skúla frá 2008-2010 og frá Sumbiar skúla frá 2010-2013. Síðani 2013 hevur Amy starvast sum lærari í Sumbiar skúla. Hon hevur undirvíst í øllum flokkum (1.-7. fl.) og í øllum lærugreinum.